ბოლო ხანებში აღმოჩენილი 1,300 წლით დათარიღებული ეკლესია ნათელს ჰფენს ქრისტიანობის ისტორიას გალილეაში.
„ისრაელის სიძველეთა ავტორიტეტის“ მკვლევრებმა „კინერეთის აკადემიურ კოლეჯთან“ ერთად აღმოაჩინეს ეკლესია ჩერქეზულ სოფელში(Kfar Kama).
„ეკლესიის მოცულობა 12×36 მეტრია, რომელიც მოიცავს დიდ შიდა ეზოს, ფოიესა და ცენტრალურ დარბაზს.“ – ამბობს ნურიტ ფრაიგი, არქეოლოგი, რომელიც გათხრებს ხელმძღვანელობს.
„აღსანიშნავია, რომ ამ ეკლესიაში სამი სალოცავი ნიშაა მაშინ, როცა მაშინდელ ტაძრებში ერთი ნიშა იყო გავრცელებული. ეკლესიის ცენტრალური ადგილი და სამრეკლოები მოპირკეთებული იყო მოზაიკით, რომელიც თითქმის უცვლელადაა შემორჩენილი. მისი ცოცხალი ფერებით სავსე დეკორაციები გამოირჩევა გეომეტრიული ფიგურების ნაირგვარობით, ასევე ლურჯი, შავი და წითელი ყვავილებით. განსაკუთრებულ აღმოჩენად კი პატარა კიდობანს მივიჩნევთ, ყუთს, რომელშიც საეკლესიო რელიქვიებს ინახავდნენ.“ – აღნიშნა არქეოლოგმა.
გუნდმა ასევე აღმოაჩინა სამი ახლომდებარე ოთახი, რომლებიც მიუთითებს იმ ფაქტზე, რომ ეს სამონასტრო კომპლექსი უნდა ყოფილიყო.
ადგილი, სადაც ძველი სამონასტრო კომპლექსი აღმოაჩინეს, თაბორის მთასთან ახლოს მდებარეობს, სადაც ქრისტიანთა ტრადიციის მიხედვით იესოს ფერისცვალება მოხდა და სადაც იგი ესაუბრა მოსესა და ელიას.