დაუნის სინდრომის მქონე აქტივისტი სასამართლოში ბრიტანეთის მთავრობას აბორტის შესახებ კანონზე ედავება

დაუნის სინდრომის მქონე აქტივისტს, ჰეიდი კროუტერს, ნება დართეს, იდავოს უზენაეს სასამართლოში აბორტის შესახებ მოქმედ კანონთან დაკავშირებით.

24 წლის აქტივისტი მოქმედ კანონს დისკრიმინაციულს უწოდებს და სურს მისი შეცვლა.
კანონში ცვლილებების გადახედვაზე კროუტერს მხარს დაუნის სინდრომის მქონე 11 თვის ბიჭის დედა, მეირ ლეა-უილსონი უჭერს. ისინი ერთად გამოვლენ გაერთიანებული სამეფოს მთავრობის წინააღმდეგ ინვალიდებთან „უსამართლო მოპყრობის“ საფუძველზე უზენაეს სასამართლოში.

„მოქმედი კანონი უსამართლოა. ის მაიძულებს თავი ისე ვიგრძნო, თითქოს არ უნდა ვარსებობდე და რომ მე უკეთესია, მკვდარი ვიყო, კანონის აზრით.“ – ამბობს ჰეიდი კროუტერი.

პოლ კონრატი, ადვოკატი, რომელიც ქალბატონების ინტერესებს წარმოადგენს, ამბობს, რომ ეს ძალიან მნიშვნელოვანი მომენტია, რადგან სასამართლომ ეს შემთხვევა სადავოდ ცნო.

მოქმედი კანონის თანახმად, აბორტი შეიძლება გაკეთდეს 24 კვირამდე ასაკის ორსულისთვის. 24 კვირის შემდეგ აბორტი დასაშვებია მაშინ, როდესაც არსებობს რისკი იმისა, რომ ბავშვი დაიტანჯება მომავალში. ამ შემთხვევაში განიხილებიან დაუნის სინდრომის მქონე ბავშვებიც.

შეგახსენებთ, რომ ჯანდაცვის სამინისტროს მონაცემების მიხედვით, 2020 წლის იანვრიდან ივნისის ჩათვლით, აბორტის შესახებ ცნობების ფორმებში იყო 339 შემთხვევა, როდესაც ნახსენები იყო დაუნის სინდრომი. დიდ ბრიტანეთში დაუნის სინდრომის დიაგნოზის მქონე ორსულობათა 92% შეწყვეტილ იქნა.