როდესაც 6 იანვარს საპროტესტო აქციის მონაწილეები კაპიტოლიუმში შეიჭრნენ და სროლა ატყდა, ხოლო კანონმდებლებს ებრძანათ, დამალულიყვნენ თავიანთ ადგილებზე, ხმაურში, შიშსა და ქაოსში ხმამაღალი ლოცვა გაისმა. როგორც შემდგომში გაირკვა, ქალი, რომელიც ვიდეოში ლოცულობს, კონგრესმენი (რესპუბლიკელი) ლიზა ბლანტ როჩესტერია. ის რამდენიმე თანამშრომელთან ერთად აივანზე აფარებს თავს და ლოცულობს.
ვიდეოს მრავალი ცნობილი საინფორმაცო სააგენტო ავრცელებს, მათ შორის „ევრონიუსიც“. ეს ვიდეო სოციალურ ქსელ Instagram-ზე სიმღერების ავტორმა და ქება-დიდების გუნდის ხელმძღვანელმა, ქრისტიანმა კარლოს უიტეკერმაც გამოაქვეყნა და დაწერა: „მე არ ვიცი, ვინ არის ეს ქალი, მაგრამ ვიცი, ვის იცნობს ის.“
შეგახსენებთ, რომ 6 იანვარს აშშ-ის კონგრესში საარჩევნო კოლეგიის ხმების დამტკიცებისას დონალდ ტრამპის მხარდამჭერთა ნაწილი კაპიტოლიუმში შეიჭრა. კანონმდებლები შენობიდან დაცვის თანხლებით გაიყვანეს. დედაქალაქში არეულობის აღსაკვეთად კომენდანტის საათი დაწესდა. მობილიზებული იყო ეროვნული გვარდია. დაიღუპა ოთხი ადამიანი, დაზიანდა სამი მოქალაქე. დააკავეს, სულ მცირე, 52 ადამიანი.