ინდუისტმა ექსტრემისტებმა ინდოეთის შტატ ანდჰრა პრადეშში ეკლესია დაწვეს, რადგან ქრისტიანებმა უარი განაცხადეს ერთობლივი თაყვანისცემის შეწყვეტაზე.
ქრისტიანთა და რელიგიურ უმცირესობათა უფლებამაცველი ორგანიზაციის, International Christian Concern-ის ინფორმაციით, 8 სექტემბერს, ქალაქ პონდურუში არსებული ეკლესიის მეზობლად მცხოვრებლებმა შენიშნეს, რომ ეკლესიის შენობას ცეცხლი ეკიდა.
ხუცესი პრაბჰუ დასი, რომელიც უკვე 38 წელია ხსენებული ეკლესიის წინამძღვარია, დაუყოვნებლივ მივიდა ეკლესიასთან. თავდამსხმელებმა მისი ავტომობილიც გაანადგურეს. ხუცესის ვაჟის განცხადებით, ინდუისტი ექსტრემისტები მანამდეც ემუქრებოდნენ ეკლესიას და ქრისტიანებისგან მოითხოვდნენ ერთობლივ შეკრებებზე უარის თქმას.
ქრისტიანები ინდოეთის მოსახლეობის 2.3%-ს შეადგენენ. მართალია, ქვეყანაში რელიგიის თავისუფლება კონსტიტუციითაა დაცული, მაგრამ ინდოელ ქრისტიანებზე თავდასხმათა რიცხვი 2014 წლის შემდეგ მკვეთრად გაიზარდა, როცა ქვეყნის სათავეში ინდოეთის სახალხო პარტია მოექცა.