ტეხასის ქალაქ პლეინოში არსებულ პრესტონვუდის ბაპტისტურ ეკლესიაში სტუმრობისას აშშ-ის სახელმწიფო მდივანმა მაიკ პომპეომ ამერიკელებს მოუწოდა, საკუთარ რწმენაზე გაამახვილონ ყურადღება და დარჩნენ ლოცვაში ურყევნი.
„გონივრულად უნდა ვეკიდებოდეთ ჩვენს პასუხისმგებლობას, ვალდებულებასა და მოვალეობას, ვინარჩუნებდეთ რწმენას და ვრჩებოდეთ სინათლედ ადამიანთა შორის.“ – თქვა პომპეომ.
სახელმწიფო მდივანმა ეკლესიაში შეკრებილებს მოუწოდა საკუთარი რწმენის შესახებ გაბედულად დამოწმებისკენ და თქვა:
„ყველა ადამიანთან ურთიერთობისას, ეკლესიაში იქნება ეს თუ ბიბლიის შემსწავლელ შეხვედრაზე, სამსახურში ყოფნისას თუ ნებისმიერ სხვა ადგილას, გამოიყენეთ უფლება რელიგიის თავისუფლებისა. იყავით გახსნილნი. გასაგებად განაცხადეთ იმის შესახებ, თუ ვინ ხართ. მსოფლიო გვიყურებს. გამოჩნდებიან სკეპტიკოსები და მოწინააღმდეგეები. გამოჩნდებიან კრიტიკოსები. საკუთარ რწმენაზე თუ ილაპარაკებთ, აუცილებლად იქნებიან ისეთი ადამიანები, რომლებიც გეტყვიან, რომ ამაზე ხმამაღლა ლაპარაკი არ არის სწორი, მაგრამ იმედი ნუ გაგიცრუვდებათ. ეს იმას ნიშნავს, რომ მტკიცედ ხართ საკუთარ რწმენაში დარწმუნებულნი და ამის შესახებ აცხადებთ კიდეც.“