კლეი ბენტლი 11 დღის განმავლობაში იწვა ჰოსპიტალში და მას სჯერა, რომ უფალმა გადაარჩინა მისი სიცოცხლე, რათა მან უამბოს ყველას იმედის, ხსნისა და რწმენის შესახებ.
59 წლის ბენტლი იხსნებეს რა გასულ პერიოდს, ამბობს, რომ მან იცის, როგორ დაავადდა.
„1-ელ მარტს გუნდში ვმღეროდი,“ ‒ თქვა ბენტლიმ. ‒ „სწორედ იქ გადამედო კორონავირუსი. ეკლესიაში იმ დღეს მინიმუმ 45-დან 50-მდე ადამიანი დაინფიცირდა, აქედან 2 კი გარდაიცვალა.“
ბენტლიმ თქვა, რომ იმ საკვირაო ღვთისმსახურების შემდეგ რამდენიმე საათში დაეწყო სუნთქვის გაძნელება. ორშაბათს ის სწრაფი დახმარების ცენტრიდან პირდაპირ გადაუდებელი დახმარების განყოფილებაში მივიდა. თავიდან ექიმებმა მას პნევმონიის დიაგნოზი დაუსვეს, მისცეს ანტიბიოტიკი და სახლში გაუშვეს.
პარასკევს მისი მდგომარეობა კვლავ დამძიმდა, ამიტომ ის ისევ მივიდა საავადმყოფოში, სადაც ამჯერად უკვე დააწვინეს ორმხრივი პნევმონიის დიაგნოზით. იმ დღეს ექიმებმა მას ტესტი ჩაუტარეს კოვიდ-19-ზე, რომელზეც დადებითი პასუხი მიიღეს. და რამდენადაც მის ფილტვებში სითხის რაოდენობა მატულობდა, პროგნოზიც უფრო შემაშფოთებელი და უიმედო იყო.
„ექიმები შემოვიდნენ და მითხრეს: ‘შენ ვერ ხდები უკეთ, ფაქტია, რომ დღეს უფრო უარეს მდგომარეობაში ხარ, ვიდრე მაშინ, როდესაც ჰოსპიტალში მოხვედი.’“ ‒ იხსნებდა ბენტლი.
„მე გავიგონე, როგორ მეუბნებოდა ღმერთის სული: ‘არა, შენ უკეთ ხდები. შენ უკეთ ხდები.’ და შემდგომ მან მკითხა: ‘ვის აპირებ, რომ დაუჯერო? ვის პროგნოზს დაიჯერებ?’“
ბენტლიმ გადაწყვიტა, ერწმუნა ღმერთის სიტყვა და იგივე მოიმოქმედა მისმა ცოლმაც.
„მე ხმამაღლა წარმოვთქვამდი ბიბლიურ მუხლებს, სიტყვებსა და საგალობლებს მისი სიცოცხლისთვის, ვინაიდან ღმერთმა ჩვენ მოგვცა არა სიმხდალის სული, არამედ ძალის, სიყვარულისა და თავშეკავების.“ ‒ თქვა სიუზი ბენტლიმ.
კლეი ბენტლი ამბობს, რომ მის თავს გამთენიისას რაღაც მოხდა, დაახლოებით 3 საათზე.
„მე ვიგრძენი უფლის თანდასწრება.“ ‒ თქვა მან. ‒ „მე ვიგრძენი, როგორ შთამბერა მან ფილტვებში და ღრმად ჩავისუნთქე, რადგან ვიცოდი, ეს უფალი იყო. ხოლო როდესაც ამოვისუნთქე, ვიგრძენი, ყველაფერი ამომეწმინდა.“
„ექიმებმა გამსინჯეს და თქვეს: ‘კი მაგრამ, ჩვენ გუშინ გნახეთ. შენი მდგომარეობა გუშინ ყველაზე მძიმე იყო, მთელი იმ ხნის განმავლობაში, რაც ჰოსპიტალში ხარ. დღეს დილით კი შენს ფილტვებში, ფაქტობრივად, აღარანაირი სითხე აღარ არის…’“ ‒ აღნიშნა ბენტლიმ.
ორი დღის შემდეგ ის გაწერეს საავადმყოფოდან. მაგრამ ეს ჯერ კიდევ ყველაფერი არ არის. ბენტლის ჰქონდა რევმატოიდული ართრიტი, ვიდრე კოვიდ-19-ით დაინფიცირდებოდა. ის ამბობს, რომ ახლა არც ეს დაავადება აღარ აწუხებს და უფალმა ის მისგანაც განკურნა.
„მე ვგულისხმობ იმას, რომ მან ყველაფერი განკურნა ჩემში,“ ‒ თქვა ბენტლიმ. ‒ „იესო ისევ კურნავს. შენი ბაგეებით წარმოთქმულ მის სიტყვას მთების დაძვრა შეუძლია.“
ბენტლის ცოლის, სიუზის დედა რამდენიმე წლის წინ გარდაიცვალა, 17 მარტს. სიუზი ამბობს, რომ ბოროტი ცდილობდა, დაერწმუნებინა ის, რომ ქმარსაც იმავე თარიღში დაკარგავდა, თუმცა ღვთის წყალობით იმ დღეს კლეი ბენტლი სახლში დაბრუნდა.