ორგანიზაცია „სატანისტური ტაძარი“ აცხადებს, რომ გათამაშებას აწყობს უფასო აბორტისათვის იმისათვის, რომ პოპულარიზება გაუწიოს ორგანიზაციის რელიგიური აბორტის რიტუალს; ამასთან ორგანიზაციის თქმით, რომ თავისი წევრების რელიგიური უფლებები გამონაკლისია ნებისმიერი კანონისა თუ რეგულაციისგან, რომელიც კრძალავს აბორტის გაკეთებას ორსულობის მესამე ტრიმესტრში.
„სატანისტური ტაძარი“ თავის ახალ სატანისტური აბორტის რიტუალს აღწერს შემდეგნაირად: „სულიერი გამოცდილება, რომელიც განკუთვნილია იმისათვის, რომ ადამიანს ჩაუნერგოს საკუთარი თავის რწმენა და პატივისცემა სატანისტური ტაძრის რელიგიურ შეხედულებათა შესაბამისად“.
გარდა ამისა, ორგანიზაცია აცხადებს, რომ ის, ვინც აბორტის სატანისტურ რიტუალს მიმართავს, არ იქნება იძულებული გაიაროს სავალდებულო კონსულტაციები და წაიკითხოს ის მასალები, რომელთა წაკითხვასაც ბევრ შტატში მოითხოვენ.
„სატანისტური ტაძარი“ ამბობს, რომ ორგანიზაციის წევრების მიერ ჩატარებული ყოველი აბორტი სატანიზმის რელიგიური აქტია. ორგანიზაციის მტკიცებით, მას 300 ათასი წევრი ჰყავს მთელი მსოფლიოს მასშტაბით.