2020 წლის 8 სექტემბერს, პაკისტანში, ქალაქ ლაჰორში, სიკვდილი მიუსაჯეს ქრისტიანს, რომელიც 7 წლის წინ თანამშრომლისადმი მკრეხელური შინაარსის შეტყობინების მიწერაში დაადანაშაულეს.
4 შვილის მამა – 37 წლის ასიფ პერვაიზი – სისხლის სამართლის 295-ე მუხლის საფუძველზე, ღვთის გმობის ბრალდებით 7 წელი ციხეში იმყოფებოდა. სასამართლოს დადგენილებით, მან პირველი 3 წელი პატიმრობაში მობილური ტელეფონის არალეგალურად გამოყენებისთვის გაატარა; ასევე დააკისრეს გადასახადი 50 000 რუპია, რაც 300 ამერიკულ დოლარს უდრის და საბოლოოდ, ჩამოხრჩობა მიუსაჯეს.
„ასიფმა ინციდენტამდე რამდენმიმე დღით ადრე დაკარგა SIM-ბარათი, რომელიც კოხარმა, მისმა თანამშრომელმა გამოიყენა, რათა მკრეხელური ტექსტი გაეგზავნა საკუთარ ნომერზე.“ – აცხადებს ადვოკატი მალუკი.
სასამართლოს წინაშე სიტყვით გამოსვლის დროს პერვაიზი ამტკიცებდა, რომ სასჯელი მას შემდეგ მიუსაჯეს, რაც მან უარი განაცხადა ისლამის მიღებაზე. თავდაპირველად, იგი ფაბრიკაში მუშაობდა, სადაც მას ავიწროებდნენ და მალე სამსახურიდანაც გაათავისუფლეს. მართალია, შემდეგ მან ახალი სამსახური იშოვა, თუმცა იქაც წნეხის ქვეშ იმყოფებოდა.
„უკმაყოფილო ვარ სასამართლოს ამგვარი გადაწყვეტილების გამო, რადგან მათ არ გამოუძიებიათ, რა ხდებოდა რეალურად. პერვაიზი სასამართლოს გადაწყვეტილებამ ძალიან დათრგუნა. სამწუხაროა, რომ უამრავი სასამართლო პროცესის გამო მან უკვე შვიდი წელი გაატარა ციხეში და ღმერთმა იცის, კიდევ რამდენ ხანს მოუწევს პატიმრობაში ყოფნა, სანამ უმაღლესი სასამართლო არ განიხილავს მის აპელაციას. ასეთი შემთხვევებისას, როდესაც საქმე ღვთის გმობას ეხება, ყველაზე ცუდი არის ის, რომ ბრალდებულნი ციხეში იქამდე რჩებიან, სანამ მათი უდანაშაულობა არ დამტკიცდება.“ – აცხადებს მალუკი.