ორგანიზაცია „წამებულთა ხმა – კორეის“ ინფორმაციით, 2020 წლის განმავლობაში, დაახლოებით, 23 000 ბიბლია გაიგზავნა ჩრდილოეთ კორეაში. ეს რიცხვი უფრო დაბალი მაჩვენებელია გასული წლების მაჩვენებელთან შედარებით, რადგან სამხრეთ კორეის ხელისუფლების წარმომადგენლებმა ჩრდილოეთ კორეის საზღვართან ბუშტების ჩამოგდება დაიწყეს, რომელთა მეშვეობითაც სამხრეთ კორეიდან მისიონერები ბიბლიებს გზავნიდნენ ჩრდილოეთის მიმართულებით. მიუხედავად ამისა, ორგანიზაციის აღმასრულებელი დირექტორი, ერიკ ფოული აცხადებს, რომ გასულ წელს იმატა ბიბლიებზე მოთხოვნამ ჩრდილოეთ კორეაში მცხოვრები ცალკეული ადამიანებისგან.
მისი თქმით, მიუხედავად იმისა, რომ ბიბლიების მასობრივად დარიგებას ხელი შეუშალეს, ხელიდან ხელში უფრო მეტი ბიბლია გადავიდა გასული წლის განმავლობაში.
„ერთი მხრივ, სამხრეთ კორეის ხელისუფლების მოქმედებებმა შეამცირა ბიბლიების მასობრივი დარიგება, მაგრამ, მეორე მხრივ, ბიბლიებზე მოთხოვნა გაიზარდა ჩრდილოეთ კორეაში მცხოვრები ცალკეული ადამიანებისგან.“ – ამბობს ფოული, რომელიც უკვე 15 წელია ბიბლიებს ავრცელებს ჩრდილოეთ კორეაში.
სამხრეთ და ჩრდილოეთ კორეას შორის დადებული შეთანხმებისა და ნაციონალური უსაფრთხოების კანონის მიხედვით, ფოულის ბრალად ედება ჩრდილოეთ კორეაში საჰაერო ბუშტების საშუალებით ბიბლიების გაგზავნაში მონაწილეობა.
ის ამბობს, რომ ჯერ ადრე იყო იმის თქმა, რა გავლენა ექნებოდა კანონმდებლობას 2021 წელს დაგეგმილ ბუშტების გაშვებაზე, მაგრამ მზად იყო ბრალის წაყენებისათვის.
„ქარი და ამინდი ყოველთვის ხელს გვიშლის იანვარში ბუშტების გაშვებაში, თუნდაც კანონები ხელს გვიწყობდეს. სწორედ ამიტომ, წელიწადის ამ დროს ვცდილობთ, ბიბლიების დარიგების ყოველგვარი უნიკალური შესაძლებლობა გამოვიყენოთ, რის უფლებასაც ზამთარი გვაძლევს.“ – ამბობს ფოული.
ის ასევე აცხადებს, რომ არ ეშინია დევნის. „მე რომ ხვალინდელ დღეზე ვღელავდე, არასოდეს ჩავერთვებოდი ჩრდილოეთ კორეულ მსახურებაში. დღევანდელი დღეა ის, რასაც ღმერთი გვაძლევს. მთელ ყურადღებას ჩრდილოეთ კორეაში ბიბლიების გავრცელებას ვუთმობ და თუ ხვალ, კანონის მიხედვით, ეს დანაშაულად გამოცხადდება, მზად ვარ, რომ სიხარულით და მზადყოფნით მივიღო შედეგები.“ – ამბობს ფოული.
ჩრდილოეთ კორეა წლებია იმ ქვეყნების სიის სათავეში ექცევა, სადაც ქრისტიანებს დევნიან, იქ მყოფი ქრისტიანები ხშირად ხდებიან მკაცრი რეჟიმის ციხეებში და სიკვდილის საფრთხის წინაშე რწმენის გამო.
P.S. გთხოვთ, ილოცოთ დევნილი ქრისტიანებისთვის ჩღდილოეთ კორეაში და მთელ მსოფლიოში.