„წელს, სავარაუდოდ, შობა არ იქნება შესაძლებელი.“ – განაცხადა ცოტა ხნის წინ CNN-ის ახალი ამბების შოუს წამყვანმა („State of the Union“) ჯეიკ ტეპერმა ალერგიულ და ინფექციურ დაავადებათა ეროვნული ინსტიტუტის დირექტორთან, ენტონი ფაუჩისთან ინტერვიუს დროს.
განცხადების საფუძველი გახდა დოქტორ ფაუჩის რეკომენდაციები, რომელთა მიხედვითაც, პანდემიასთან დაკავშირებული შეზღუდვები, შესაძლოა, 2021 წლის მეორე და მესამე კვარტალზეც გავრცელდეს.
ჯეიკ ტეპერის სიტყვებს გამოეხმაურა მსოფლიოში ცნობილი ევანგელისტი და ორგანიზაცია „სამარიტელის ქისის“ აღმასრულებელი დირექტორი ფრანკლინ გრემი. ის თავისი „ფეისბუკის“ გვერდზე წერს:
„CNN-ის წამყვანმა ჯეიკ ტეპერმა განაცხადა, რომ ‘სავარაუდოდ, წელს შობა არ იქნება შესაძლებელი.’ მე ახალი ამბავი მაქვს მისთვის. შობას მილიონობით ადამიანი იზეიმებს მთელ მსოფლიოში. ამის მიზეზი ის გახლავთ, რომ შობა შეკრებებსა და საზეიმო სუფრებს არ ნიშნავს, ის იესო ქრისტესთან არის დაკავშირებული. შობა ნიშნავს იმას, რომ ღმერთმა საკუთარი ძე წარმოგზავნა, რათა ცოდვებისგან ვეხსენით.
ქრისტიანები ვზეიმობთ იმას, რომ ‘ღმერთმა იქამდე შეიყვარა სოფელი, რომ მისცა თავისი ერთადერთი ძე, რათა არავინ, ვინც მას ირწმუნებს, არ დაიღუპოს, არამედ ჰქონდეს საუკუნო სიცოცხლე.’ აი, ეს არის შობა და ამას კოვიდ 19-იც ვერ შეცვლის! შობის აღსანიშნავი ღონისძიებები შეიძლება ზუსტად ისე არ ჩატარდეს წელს, მაგრამ ქრისტიანებისათვის შობა მათ გულებშია.
ვლოცულობ, რომ წლევანდელ შობას მილიონობით ადამიანი მოექცეს იესო ქრისტესკენ და საკუთარი რწმენა და ნდობა მასზე დაამყაროს, მიუხედავად პანდემიისა, რომელიც მთელ მსოფლიოში ადამიანთა გულებს შიშით ავსებს.“