კვირას, 12 აპრილს, როდესაც მსოფლიოში ქრისტიანების დიდი ნაწილი აღდგომის დღესასწაულს აღნიშნავდა, რიო-დე-ჟანეიროს ქრისტეს ქანდაკება ექიმის უნიფორმის ფერებში გაანათეს კოვიდ-19-ის მიერ გამოწვეულ პანდემიასთან მებრძოლ ექიმთა საპატივსაცემოდ. პანდემიისას გაწეული სამსახურისთვის ექიმებს მადლობა სხვადასხვა ენაზე გადაუხადეს. ამავდროულად, არქიესპისკოპოსმა დომ ორანი ტემპესტამ სააღდგომო მესა ჩაატარა.
ლათინური ამერიკის ქვეყნებს შორის ბრაზილია ყველაზე მეტად მოიცვა პანდემიამ. ქვეყანაში 1200-ზე მეტი ადამიანია გარდაცვლილი. უკანასკნელი მონაცემებით, კოვიდ-19-ით ინფიცირების 22,169 შემთხვევა დასტურდება.