ჩინეთის მთავრობა ქრისტიან მშობლებს ბავშვების სკოლაში ჩარიცხვის უფლებას არ აძლევს

227 ნახვა
34 გაზიარება
1 კომენტარი

ქრისტიანების დევნა ჩინეთში უფრო მეტად მწვავდება, კომუნისტური მთავრობა, ქრისტიან მშობლებს არ აძლევს ბავშვების სკოლაში ჩარიცხვის უფლებას, უფრო მეტიც, ისინი შვილად აყვანილ ბავშვებს საკუთარ მშობლებს უბრუნებენ.  

„საერთაშორისო ქრისტიანთა კავშირი“ (ICC) ვიდეოს სახით გაავრცელა მასალა, თუ როგორ სასტიკად უსწორდება ჩინეთის კომუნისტური პარტია ეკლესიის წევრებს.

ეკლესიის ერთ-ერთი წევრი, ლიაო ქიანგი, აცხადება : „ეს უბრალოდ ტრაგედიაა, მათი მუდმივი შემოტევა მხოლოდ ერთი რამისკენ გვიბიძგებს, რომ გავიქცეთ ჩინეთიდან, რადგან ჩვენი შვილების ბედი, ჩვენთვის მნიშვნელოვანია. ისინი არა მხოლოდ ჩვენ, არამედ ჩვენს შვილებსაც ავიწროებენ. ზოგიერთ ოჯახს აყვანილი ჰყავთ ბავშვები, რომლებსაც უვლიან, მათ კი ეს ბავშვები ჩამოართვეს და ნამდვილ მშობლებს დაუბრუნეს. ამიტომაც გამოვიქეცი ჩინეთიდან, მე არ მქონდა გარანტია იმისა, რომ ჩემს ნაშვილებ ბავშვს ვინმე არ წამართმევდა.“

დღეისათვის ჩინეთი 23 ადგილზეა იმ ქვეყნებს შორის, სადაც ქრისტიანებისთვის ყველაზე საშიშია ცხოვრება.

მიუხედავად დევნისა და შევიწროებისა, ჩინელი ქრისტიანები მაინც უფლის იმედად არიან და განაგრძობენ რწმენით დგომას.