4 ნოემბერს პოლიციამ დაკითხა რენ იუნფეი, ჩინელი მწერალი და დემოკრატი აქტივისტი. რეი დაკითხვაზე დაიბარეს მას შემდეგ, რაც მან ჩაატარა ონლაინლექცია სახელწოდებით „ქრისტიანობა და ჩინური კულტურა“.
3-დან 5 ნოემბრის ჩათვლით ვებინარზე რენს სამჯერ უნდა ექადაგა თემაზე „სახარება პანდემიის დროს“. 3 ნოემბერს მან წაიკითხა ლექცია სახელწოდებით „ჩინური კულტურის არსი“. 4 ნოემბერს კი ვებინარის დაწყებამდე რენს დაურეკეს ადგილობრივი პოლიციიდან და მოსთხოვეს გაეუქმებინა მომდევნო ლექციები. აღსანიშნავია, რომ იუნფეი სხვა დროსაც დაუბარებიათ დაკითხვაზე.
„თუ აცნობიერებთ, რომ ბორკილებში ყოფნა სახარების გაზიარების გამოა, მაშ, სიხარულს უნდა ვგრძნობდეთ პოლიციის შენობაში მრავალჯერ შესვლისასაც კი.“ – ამბობს იუნფეი.
იუნფეი საზოგადოდ ცნობილი ინტელექტუალია ჩინეთში. მას მედიაში “სახალხო განმანათლებელს” უწოდებენ. იგი 2015 წელს მოექცა ქრისტიანობაზე და მას შემდეგ აქტიურად არის ჩართული სახარების გავრცელებაში.
შეგახსენებთ, რომ ბოლო წლებში ჩინეთში აქტიურად მიმდინარეობს ქრისტიანთა დევნა. გასულ თვეს გაყალბებული ბიბლიური ისტორია გამოქვეყნდა კომუნისტურ სასკოლო სახელმძღვანელოში, ჩინეთში. ისტორია იოანეს სახარებაში, მე-8 თავში აღწერილ, მრუშ დედაკაცს ეხება. სახელმძღვანელოში წერია, რომ იესომ მრუშობაზე წასწრებული ქალი ჩაქოლა და თავად იესოც ცოდვილი იყო.
ასევე, ჩინეთის ზოგიერთ პროვინციაში ფულადი ჯილდოც კი დააწესეს იატაკქვეშა ეკლესიების საქმიანობის გამოაშკარავებისთვის. ივნისში კი გამოიცა უწყება დაკრძალვის ადგილებში რელიგიურ ცერემონიალთა ჩატარების აკრძალვის შესახებ. ეს ასევე გულისხმობს ქადაგების, ბიბლიის კითხვისა და რელიგიური საგნების გავრცელების აკრძალვას სასაფლაოებზე, დაკრძალვის ბიუროებსა და მსგავს ადგილებში.
ორგანიზაცია Open Doors-ის 2020 წლის მონაცემების მიხედვით ჩინეთი 23-ე ადგილზეა ქრისტიანთა დევნის მხრივ მსოფლიოში.