ნიგერიელი მქადაგებელი, ასევე ცნობილი, როგორც წინასწარმეტყველი ტ. ბ. ჯოშუა, 57 წლის ასაკში გარდაიცვალა. გარდაცვალების მიზეზი ჯერჯერობით დადგენელია.
2021 წლის 5 ივნისს, შაბათს, მქადაგებელი „Emmanuel TV“-ს პარტნიორებთან შეხვედრისას ამბობდა: „ყველაფერს თავისი ჟამი აქვს, აქ მოსვლას და ლოცვასაც და მსახურების შემდეგ სახლში დაბრუნებასაც.“
ამასთან დაკავშირებით ჯოშუას მსახურების ოფიციალურ გვერდზე გამოქვეყნდა:
„’რადგან არაფერს მოიმოქმედებს უფალი ღმერთი, ვიდრე არ გაუმხელს თავის საიდუმლოს თავის მსახურებს, წინასწარმეტყველებს.'(ამოსი 3:7) ღმერთმა თავისი მსახური, წინასწარმეტყველი სახლში დააბრუნა, თავისი ღვთიური ნებით. თავისი ცხოვრების ბოლო წუთები მან ღმერთის მსახურებაში გაატარა. ის ამისთვის დაიბადა, იცხოვრა და გარდაიცვალა.“
წინასწარმეტყველის უკანასკნელი სიტყვები იყო: „იფხიზლეთ და ილოცეთ!“
ტ. ბ. ჯოშუა იყო ნიგერიელი ქარიზმატი ხუცესი, ტელეევანგელისტი და ქველმოქმედი. ის იყო დამფუძნებელი და ხელმძღვანელი „The Synagogue, Church of All Nations“-ისა. ეს გახლავთ ქრისტიანული ეკლესია, რომელიც ხელმძღვანელობს სატელევიზიო სადგურ „Emmanuel TV“-ს. ჯოშუა ძალიან ცნობილი იყო აფრიკასა და ლათინურ ამერიკაში.
„Emmanuel TV“-ს, რომელსაც ჯოშუა ხელმძღვანელობდა, ერთი მილიონი გამომწერი ჰყავდა და მსოფლიოში ყველაზე პოპულარულ ქრისტიანულ პლატფორმად მიიჩნეოდა, ვიდრე მაუწყებლობას შეწყვეტდა. მედიასაშუალებების მიერ ჯოშუა იწოდებოდა „ევანგელიზმის ოპრად“ და „YouTube-ის ყველაზე ცნობილ ხუცესად“.
თავის სიცოცხლეში ჯოშუას უამრავი ჯილდო ჰქონდა მიღებული, მათ შორის აღსანიშნავია ფედერალური რესპუბლიკის ოფიცრის ორდენი, ჯილდო, რომელიც ნიგერიის მთავრობისგან 2008 წელს მიიღო. ის ასევე შედიოდა აფრიკის 50 გავლენიან ადამიანთა რიცხვში.